आजभन्दा एक हप्ता अगाडि २०८१ चैत्र १५, समाजवादी मोर्चाको आह्वानमा गणतन्त्र रक्षाका लागि सडकमा गइयो। करिब १ लाख मानिसहरूको उपस्थिति थियो। धेरै समयपछि हामी उत्साहित भएर सडकमा पुगेका थियौँ। आन्दोलनमा सहभागी गणतन्त्रवादीहरूले वर्तमान व्यवस्थाको रक्षा र समाजवाद हासिलका निम्ति एक स्वरमा प्रतिवद्धता जनाएको कुरा सर्वविधिदै छ।
तर, त्यहि दिन, पुर्नउत्थानवादी कथित राजावादी अराजकहरूले हाम्रो निर्धारित कार्यक्रमलाई अवरोध खडा गर्न तीनकुनेमा कार्यक्रम गर्यो। नेपाल सरकारको कमजोर सुरक्षा ब्यवस्थापनका कारण अराजकतावादीहरूले व्यापक भौतिक संरचनाहरूमाथि आगो लगाए। जडिबुटी कारखाना, नेकपा (एकीकृत समाजवादी) को केन्द्रीय र जिल्ला कमिटी काठमाडौँको कार्यालयमा आजगनी गरे ।
भाट भेटेनीमा चोरी गरे, लुटपाट मच्चाए साथै २ जना निर्दोष मानिसहरुको विभत्स हत्या गरे। कयन मानिसहरू घाइते भएका छन्। यो घटनाको जिम्मेवारी र जवाफदेहिता सरकारले लिनुपर्दछ। आज नेपाल सरकार र प्रधानमन्त्री केपी शर्मा ओलीप्रति आम नेपालीहरूको गम्भिर ध्यानाकर्षण भएको सहज अनुमान गर्न सकिन्छ।
तीन कुनेको कार्यक्रमबाट वितण्डा मच्चाउन सुरू गरेका राजावादी अराजक जथ्थाले खासगरी समाजवादीहरूको मुख्यालय माथि आगजनी गरे। जसको जति भत्सर्ना र विरोध गरेपनि कम हुन्छ। क्रान्तिकारी आस्था, विचार र सिद्धान्त बोकेर सामाजिक न्यायसहितको समाजवादी व्यवस्था हासिलका निम्ति तय गरिएका महत्वपूर्ण दस्तावेजहरू नष्ट गरेका छन्।
उक्त दिन हामी भृकुटीमण्डप स्थित कार्यक्रमको मैदानमा थियौं। हाम्रो पार्टीका श्रदय अध्यक्ष एंव पूर्वप्रधानमन्त्री कमरेड माधव नेपालले व्यापक उत्साहका साथ आमसभालाई सम्बोधन गरि सक्नुभएको थियो। कार्यक्रमको अन्त्यतिर थियो, कमरेड प्रचण्डले बोलिरहनु भएको थियो। हाम्रो जिम्मेवारीमा रहेको कार्यक्रम स्थल सफा गर्न म स्यंमशेवक साथीहरूलाई खबर गर्दै थिए।
करिब ३ः३० बजेतिर युवा संघ नेपालका इन्चार्ज साथै स्यंमसेवक परिचालन कमिटीका प्रमुख कमरेड लक्षण केसीले सम्पूर्ण स्यंमसेवक फोर्सलाई पार्टी कार्यालय आलोकनगर केन्द्रित गर्न निर्देशन गर्नुभयो। सो बमोजिम साथिहरूलाई आकस्मिक सरकुलर गरियो। यातायात अस्तव्यस्त भएका कारण कार्यक्रम स्थलबाट पार्टी कार्यलय तुरुन्त पुग्न गाह्रो थियो। कोही पैदल हिडेर त केही विभिन्न साधनमार्फत आलोकनगर पुगियो। जे होस् समयमै दमकल पुगेर कार्यालय ध्वस्त हुनबाट बच्यो। कार्यालयमा होलटाइबर सेवा गरिरहनु भएका केही नेताहरूलाई कार्यालयमै थुनेर आगो लगाउने जस्तो गम्भीर आतंक मच्चाउने हुल्लडबाजलाई केही समय अबेर प्रहरीले लखेटेको सूचना पाइयो।
नेपाली जनताको ठूलो त्याग र बलिदानबाट प्राप्त भएको संघीय लोकतान्त्रिक गणतन्त्रको धज्जि उडाउदै राजतन्त्र फर्काउने अराजकहरुको नाङ्गो चित्र देखिएको छ। कथित राजावादीहरूले मार्सिको खोले खाने र घिउ पचाउने दिवा सपना मात्रै हो। कार्यक्रम र सभा गर्ने, खुल्ला रुपमा बोल्ने, अधिकारको कुरा गर्ने, आलोचना गर्ने आदि कुरा गणतन्त्रले मात्र भएको हो। तर, यो व्यवस्थामा सामजिक सद्भाव खलबल्याउने, चोर्ने, लुट्ने, अराजकता सृजना गर्न र मान्छे मार्न पाइन्न। यस्ता प्रकारका अराजकता कुनै पनि व्यवस्थामा किमार्थ छुट हुन्न ।
अब युवा संघ नेपालले के गर्ने?
गणतन्त्र प्राप्तिका लागि परिवर्तनगामी युवाहरूले जसरि भूमिका खेल्यो त्यसैगरी गणतन्त्रको रक्षा, खबरदारी र इमानदारी पूर्वक कार्यान्वयन गर्न र गराउन एउटा देशभक्त प्रगतिशील, लोकतान्त्रिक र समाजवादी युवाहरूको मुख्य कार्यभार हो। आज व्यवस्थामाथि त्यतिकै खतरा बढ्दोछ। यसको मुल कारण के हो ? त्यसको पहिचान गरेर युवाहरु अघि बढ्नुपर्छ। गणतन्त्रवादी दलका नेताकार्यकर्ताहरूबाट भए गरेका कमजोरीलाई सच्याउदै अग्रगामी पथमा नेपाली समाजलाई हिडाउनु युवा संघको अर्को महत्वपूर्ण काम हो।
सत्ताधारी पार्टीहरूमा कुनै गम्भिरता देखिन्दैन। गणतन्त्रको हिमायती पार्टी साथै समाजवादी क्रान्तिका लागि नेतृत्वदायि पार्टी भएका कारण हाम्रो पार्टीलाई चौतर्फी घेराबन्दि भइरहेको छ। यसको प्रतिवाद गर्दै षड्यन्त्रलाई निस्तेज पार्न सच्चा समाजवादी युवाहरूले भूमिका खेल्नुपर्दछ। हाम्रो पार्टी र नेतृत्वले सामन्तवादी राज्य व्यवस्थालाई परास्त गरेको गौरवपूर्ण विगत र दलाल नोकरशाही पूँजिवादसँग डटेर लडिरहेको वर्तमान छ।
नेपाली समाजको प्रधानसत्रु दलाल पूँजीवादका विरुद्द पार्टीले विभिन्न अभियानहरू सञ्चालन गरेका छन्। गत चैत १ गते मात्र सुशासन र रोजगारी, समाजवादको तयारी भन्ने नाराका साथ रोजगारी र सुशासनका लागि आन्दोलनका कार्यक्रमहरू घोषणा गरेका छन्। उक्त आन्दोलनलाई सफल तुल्याउन, क्रान्तिकारी युवाहरूलाई गोलवन्द गर्दै युवा संघ नेपालमा संगठित गर्नुपर्दछ। नेपाली जनतामा आक्रोश र असन्तुष्टि चरम बडिरहेको छ। त्यसलाई अराजक लोकप्रियतावादीहरुले दुरुपयोग गर्न प्रयत्न गरिरहेको अवस्थामा युवा संघ नेपालले निस्तेज पार्नुपर्दछ।
आउनु होस् क्रान्तिकारी युवा साथिहरू हो, समाजवादी क्रान्तिका लागि युवा संघ नेपालमा गोलवद्द र एकतावद्द हुँदै हाम्रो समाजमा व्याप्त अराजकतावाद, चापलुसीवाद, लोकप्रियतावाद र दलाल पूँजिवादलाई परास्त गर्दै समाजवादको आधार तयार गरौं।
लेखक राई युवा संघ नेपालका नेता हुनुहुन्छ।
-1743868532.jpg)
-1743215169.jpg)
-1743775851.JPG)
-1743592998.jpg)