काठमाडौँ-निजगढ द्रुतमार्गको निर्माण तीन वर्षभित्र सम्पन्न हुन्छ - मन्त्री ज्वाला

समाज

गृहपृष्ठ
समाज
काठमाडौँ-निजगढ द्रुतमार्गको निर्माण तीन वर्षभित्र सम्पन्न हुन्छ - मन्त्री ज्वाला

काठमाडौँ-निजगढ द्रुतमार्गको निर्माण तीन वर्षभित्र सम्पन्न हुन्छ - मन्त्री ज्वाला

सोमबार, असार ११, २०८० kalamnews

काठमाडौँ । भौतिक पूर्वाधार तथा यातायातमन्त्री प्रकाश ज्वालाले आगामी तीन वर्षभित्र काठमाडौँ–निजगढ द्रुतमार्ग निर्माण कार्य सम्पन्न हुने बताउनु भएको छ ।

आइतबार प्रतिनिधिसभा बैठकमा भौतिक पूर्वाधार तथा यातायात मन्त्रालयको विनियोजन शीर्षकमाथिको छलफलमा भाग लिँदै उहाँले सो प्रतिबद्धता व्यक्त गर्नुभएको हो ।

मन्त्री ज्वालाले सो द्रुतमार्गको निर्माणका लागि आगामी आर्थिक वर्षका लागि २२ अर्ब बजेट व्यवस्था गरिएको पनि बताउनु भयो । उहाँले मन्त्रालयको बजेट चालू आर्थिक वर्षको भन्दा करिब ३७ अर्ब घटेकाले सबै क्षेत्रको मागलाई सम्बोधन गर्न सकिने अवस्था नरहेको स्पष्टीकरण समेत दिनुभयो ।

मन्त्री ज्वालाले सो द्रुतमार्गको निर्माण कार्यलाई नेपाली सेनाले तीव्रताका साथअघि बढाएको पनि संसद्लाई जानकारी गराउनु भयो । मन्त्री ज्वालाले भौतिक पूर्वाधार तथा यातायात क्षेत्रको निर्माण कार्यलाई तोकिएकै समयमा सम्पन्न गराउन र गुणस्तरीय बनाउन आफू लागिपर्ने समेत बताउनु भयो ।

प्रकाशित मिति: सोमबार, असार ११, २०८० ११:१९

प्रतिक्रिया दिनुहोस्