विश्व चर्चित क्रिकेटर लारा काठमाडौँमा

खेलकुद

गृहपृष्ठ
खेलकुद
विश्व चर्चित क्रिकेटर लारा काठमाडौँमा

विश्व चर्चित क्रिकेटर लारा काठमाडौँमा

शुक्रबार, मंसिर २८, २०८१kalamnews

काठमाडौँ। विश्व चर्चित क्रिकेटर ब्रायन लारा नेपाल आइपुगेका छन्। उनी आज बिहान नेपाल आइपुगेका हुन् । उनलाई क्यान पदाधिकारीले त्रिभुवन विमानस्थलमा स्वागत गरे।

काठमाडौँमा जारी नेपाल प्रिमियर लिग (एनपीएल) हेर्न उनी नेपाल आएका हुन्। वेस्ट इन्डिजका क्रिकेट खेलाडी लारा टेस्ट क्रिकेट सर्वाधिक चर्चित छन्। टेस्ट क्रिकेटमा एकै इनिङमा नटआउट ४ सय रन बनाउने कीर्तिमान छ।

५५ वर्षे लाराले ओडीआई र टेस्ट क्रिकेट दुवैमा १० हजारभन्दा बढी रन बनाएका छन्। गतवर्ष नेपाली क्रिकेट टोली टी–२० विश्वकपमा छनोट हुँदा बधाइ दिँदै उनले आफू नेपाल आउन चाहेको बताएका थिए।

लाराले वेस्टइन्डिजका लागि १३१ टेस्टमा झण्डै १२ हजार रन बनाएका छन् भने २९९ ओडिआई खेल्दा १० हजारभन्दा धेरै रन बनाएका छन्। उनले वेस्टइन्डिजका लागि सन् २००४ को च्याम्पियन्स ट्रफीसमेत जितेका छन्। क्रिकेट जगतमा ‘द प्रिन्स’ उपनामले उनी परिचित छन्।

प्रकाशित मिति: शुक्रबार, मंसिर २८, २०८१ १३:०३

प्रतिक्रिया दिनुहोस्