आइओसीद्धरा जीवनराम श्रेष्ठको नेतृत्वलाई मान्यता

खेलकुद

गृहपृष्ठ
खेलकुद
आइओसीद्धरा जीवनराम श्रेष्ठको नेतृत्वलाई मान्यता

आइओसीद्धरा जीवनराम श्रेष्ठको नेतृत्वलाई मान्यता

बिहीबार, वैशाख ४, २०८२ kalamnews

काठमाडौँ। अन्तर्राष्ट्रिय ओलम्पिक कमिटी (आइओसी) ले नेपाल ओलम्पिक कमिटीको नयाँ नेतृत्वलाई मान्यता प्रदान गरेको छ।

आइओसीले बिहीबार एनओसीका नवनिर्वाचित अध्यक्ष जीवनराम श्रेष्ठ र महासचिव राजीव श्रेष्ठलाई पत्र लेख्दै ओलम्पिकको निर्वाचनलाई औपचारिक आधिकारिकता दिएको उल्लेख गरेसंगै नयाँ नेतृत्वलाई मान्यता दिइएको हो।

गत पुस १३ गते अनलाइनमार्फत गरिएको एनओसीको निर्वाचनबाट जीवनराम तेस्रो कार्यकालका लागि अध्यक्षमा निर्वाचित हुनुभएको थियो। यसअघि एनओसीको निर्वाचनलाई नेपाल सरकारले अवैधानिक ठहर गरेको थियो।

नेपाल सरकारले पछिल्लो समय सर्वोच्च अदालतको आदेश, नेपाल सरकारको निर्देशनको अवज्ञा गर्दै अन्तर्राष्ट्रिय ओलम्पिक कमिटीको स्वीकृति बेगर निर्वाचन सम्पन्न गरेको भन्दै एनओसी पदाधिकारीलाई कारबाही स्वरूप अध्यागमन विभागमा पत्र लेख्दै विदेश जान रोक लगाउनसमेत आदेश दिइएको थियो।

प्रकाशित मिति: बिहीबार, वैशाख ४, २०८२ २१:२२

प्रतिक्रिया दिनुहोस्