इंग्लयाण्डमाथि नेपालको ऐतिहासिक जित

खेलकुद

गृहपृष्ठ
खेलकुद
इंग्लयाण्डमाथि नेपालको ऐतिहासिक जित

इंग्लयाण्डमाथि नेपालको ऐतिहासिक जित

शुक्रबार, कात्तिक १६, २०८१kalamnews

काठमाडौँ। नेपालले हङकङ सिक्सेस क्रिकेटमा शुक्रबार इंग्लयाण्डमाथि ऐतिहासिक जित हात पारेको छ।

कप्तान सन्दिप जोराले विष्फोटक ब्याटिङ गरेपछि नेपालले तीन पटकको च्याम्पियन इंग्ल्याण्डलाई पहिलो खेलमै ६ विकेटले पराजित गरेको हो। कप्तान जोराले ५० रन बनाएपछि नेपालले ९८ रनको लक्ष्य विना विकेटको क्षति ४.२ ओभरमा पूरा गरेको हो। जोराले १२ बल खेल्दै ३ चौका र ६ छक्का मदतमा ५० रन बनाए। उनी अर्धशतकपछि रिटायर लिन पाउने भएकोले उनी रिटायर्ड नटआउट रहे।

रासिद खानले ५ बल खेल्दै २ चौका र २ छक्का प्रहार गरेर अविजित २१ रन बनाए। लोकेश बमले ११ बलमा १ चौका र २ छक्का प्रहार गरी २० रन बनाए।
त्यसअघि मोङ कोङ मैदानमा टस हारेर पहिले ब्याटिङ गरेको इंग्ल्यान्डले ५.५ ओभरमा ६ विकेट गुमाएर ९७ रन बनाएको थियो।

कप्तान रवि बोपाराले सर्वाधिक ४९ रन बनाए। उनले १ चौका र ७ छक्का प्रहार गरे। समित पटेलले १७ बलमा ३ चौका र ३ छक्का प्रहार गर्दै ३९ रन बनाए। अन्य ब्याटरले दोहोरो अंकमा रन जोड्न सकेनन्।

बलिङमा नेपालका लागि प्रतिश जिसी प्रभावकारी रहे। उनले २ ओभर बलिङ गरेका उनले १८ रन खर्चेर ३ विकेट लिए। रासिद खान, नारायण जोशी र विवेक यादवले १-१ विकेट लिए। बलिङ गरेका मध्ये रासिदले मात्र विकेट लिन सकेनन्। समूह बी मा रहेको नेपालले अब आइतबार अष्ट्रेलियाको सामना गर्नेछ।

प्रकाशित मिति: शुक्रबार, कात्तिक १६, २०८१ २०:५६

प्रतिक्रिया दिनुहोस्