प्रधानमन्त्रीलाई अध्यक्ष नेपालको आग्रह भ्रष्टाचारको जालो तोड्न इमानदार र निडर भएर लाग्नुस्

प्रमुख समाचार

गृहपृष्ठ
प्रमुख समाचार
प्रधानमन्त्रीलाई अध्यक्ष नेपालको आग्रह भ्रष्टाचारको जालो तोड्न इमानदार र निडर भएर लाग्नुस्

प्रधानमन्त्रीलाई अध्यक्ष नेपालको आग्रह भ्रष्टाचारको जालो तोड्न इमानदार र निडर भएर लाग्नुस्

सोमबार, जेठ ८, २०८० kalamnews

काठमाडौं । नेकपा एकीकृत समाजवादीका अध्यक्ष माधवकुमार नेपालले प्रधानमन्त्री पुष्पकलम दाहाल प्रचण्डलाई भ्रष्टाचारको जालो तोड्न इमानदार र निडर भएर लाग्‍न आग्रह गर्नु भएको छ ।

सोमबार प्रतिनिधिसभाको नीति तथा कार्यक्रम माथिको छलफलमा भाग लिँदै पूर्वप्रधानमन्त्रीसमेत रहनु भएका अध्यक्ष नेपालले प्रधानमन्त्री पुष्पकमल दाहाल प्रचण्डलाई भ्रष्टाचारको जालो तोड्न आग्रह गर्दै इमान्दारिताका साथ अगाडि बढ्न र सत्ताको दुरुपयोग गर्नेलाई कारबाही गर्न आग्रह गर्नुभयो ।

‘तपाईं ,इमान्दारिताका साथ अगाडि बढ्नुस्। भ्रष्टाचारको जालोलाई तोड्नुस्। स्वच्छ सरकार देशलाई प्रदान गर्नुस्। गतिशील सरकार प्रदान गर्नुस्। काम ठग र आफ्नो सत्ताको दुरुपयोग गर्ने तत्त्वहरू लाई कारबाही गर्नुस्,’ अध्यक्ष नेपालले भन्नुभयो ।

सरकार किन गुम्यो त्यसमा आत्म समीक्षा गर्न सुझाव दिँदै अरूलाई सत्तोसराप नगर्न आग्रह गर्नुभयो ।
‘हामीहरू बीचमा सहकार्यको आवश्यकता छ। सरकारमा बस्न सकिए छुट्टै कुरा हो। बनिसकेको सरकार किन आफ्नो हातबाट फुत्कियो अरूलाई सत्तोसराप गरेर मात्र हुँदैन।

आफू भित्र के कमीकमजोरी रहे सबैले पहिचान गरौं। त्यसमा सुधार गरौं। हामीमा सबैभन्दा ठूलो समस्या व्यक्तिवाद, सर्वमान्य ठान्ने प्रवृत्तिबाट मुक्त हुन, भ्रष्टाचारमा चुर्लुम्म डुब्ने प्रवृत्तिबाट मुक्त हुन सकिएन भने विकास सम्भव नभएको उहाँले बताउनु भयो ,।

प्रकाशित मिति: सोमबार, जेठ ८, २०८० १२:२७

प्रतिक्रिया दिनुहोस्