अब समाजवादी कार्यभार सहित तेस्रो मोर्चा बन्छ- अध्यक्ष नेपाल

प्रमुख समाचार

गृहपृष्ठ
प्रमुख समाचार
अब समाजवादी कार्यभार सहित तेस्रो मोर्चा बन्छ- अध्यक्ष नेपाल

अब समाजवादी कार्यभार सहित तेस्रो मोर्चा बन्छ- अध्यक्ष नेपाल

बुधबार, वैशाख २०, २०८०kalamnews

काठमाडौं । नेकपा ( एकीकृत समाजवादी ) का अध्यक्ष तथा पूर्वप्रधानमन्त्री माधवकुमार नेपालले अब समाजवादी कार्यभार सहित नयाँ मोर्चा बन्ने बताउनुभएको छ ।

संगठन सुदृढीकरण अभियानअन्तर्गत मोर्चा संगठन विभागले प्रज्ञा भवन कमलादीमा आयोजना गरेको प्रशिक्षण कार्यक्रमको उद्घाटन गर्दै अध्यक्ष नेपालले उक्त कुरा बताउनुभएको हो । उहाँले राष्ट्रिय राजनीतिलाई जनमुखी तथा प्रगतिशील रूपान्तरणको दिशामा अग्रसर बनाउन तेस्रो धारको त्यस्तो मोर्चाको आवश्यकता रहेको उहाँले बताउनुभयो । पार्टी एक मोर्चा, सरकार अर्को मोर्चा रहेको सन्दर्भमा तेस्रो मोर्चाका रुपमा समाजवादी केन्द्र निर्माण हुने संकेत उहाँले गर्नुभएको हो ।

अध्यक्ष नेपालले कसैको घमण्ड, वेवास्ता र अपमान आफूहरूलाई स्वीकार्य नभएको भन्दै सत्तारूढ गठबन्धनको प्रमुख दल माओवादी केन्द्रले विभिन्न प्रदेश सरकार गठन र बजेट तयारीमा त्यस्तो व्यवहार प्रदर्शन गरेको सन्दर्भमा उहाँले त्यसो भन्नुभएको हो ।

पार्टीले पाएका मन्त्रालयबाट राम्रो काम गरेर जनताको मन जित्नुपर्ने भन्दै अध्यक्ष नेपालले पार्टी निर्माणको मुख्य शर्त संगठन सुदृढीकरण भएकोमा जोड दिनुभयो । उक्त कार्यक्रममा महासचिव घनश्याम भुसाल र उपमहासचिव तथा प्रचार विभाग प्रमुख जगन्नाथ खतिवडाले प्रशिक्षण दिनु भएको थियो ।

मोर्चा संगठन प्रमुख तथा उपमहासचिव डा. विजय पौडेलको अध्यक्षतामा शुरु भएको उक्त कार्यक्रममा पार्टीका सम्पूर्ण जनसङ्गठनका पदाधिकारी सहभागी छन् । ती जनसङ्गठनले आ-आफ्ना कार्ययोजना र प्रगति पेश गरेका छन् ।

प्रकाशित मिति: बुधबार, वैशाख २०, २०८० २०:१०

प्रतिक्रिया दिनुहोस्