मनपरी गरिरहेका मेनपावर कम्पनीलाई कारबाहीको दायरामा ल्याउन सांसद राईको माग

प्रमुख समाचार

गृहपृष्ठ
प्रमुख समाचार
मनपरी गरिरहेका मेनपावर कम्पनीलाई कारबाहीको दायरामा ल्याउन सांसद राईको माग

मनपरी गरिरहेका मेनपावर कम्पनीलाई कारबाहीको दायरामा ल्याउन सांसद राईको माग

सोमबार, चैत १३, २०७९kalamnews

काठमाडौं । राष्ट्रियसभा सदस्य तथा नेकपा एकीकृत समाजवादीकी उपाध्यक्ष जयन्ती राईले वैदेशिक रोजगारीको नाममा मनपरी गरिरहेका मेनपावर कम्पनीहरूलाई कारबाहीको दायरामा ल्याउन माग गर्नु भएको छ ।

उहाँले मेनपावर कम्पनीहरूले मनपरी ढंगले विदेश पठाइरहेको भन्दै सरकारको ध्यानाकर्षण गराउनु भएको हो ।
आइतबार राष्ट्रियसभाको बैठकमा बोल्दै सांसद राईले नक्कली कागजपत्र बनाएर मनपरी गरिरहेका त्यस्ता व्यवसायीहरूमाथि सरकारले कारबाही गर्नुपर्ने माग राख्नुभयो ।

नागरिकलाई सरकारले वैदेशिक रोजगारीमा जाने र सुरक्षितसँग काम गर्ने वातावरण सिर्जना गर्नुपर्नेमा सांसद राईको जोड थियो । वैदेशिक रोजगारीमा पठाउनेहरूल मनपरी गरिरहेको भन्नै उनीहरूलाई कारबाहीको दायरामा ल्याउनुपर्छ की पर्दैन ? जे गर्दा पनि खुला रूपले भइरहेको छ । यो ढंगले यसको दुःख र कष्ट आज गरिब, निमुखा जनताले भोगिरहेका छन् उहाँले भन्नुभयो ।

सरकारले वैदेशिक रोजगारीमा जानेलाई सुरक्षित र स्वतन्त्र ढंगले काम गर्ने वातावरण सिर्जना हुने वातावरण निर्माण गर्न साथै स्वदेशमा नै उद्योगधन्दा खोलेर उनिहरुलाई रोजगारीको सिर्जना गर्नुपर्ने राईको माग थियो ।

प्रकाशित मिति: सोमबार, चैत १३, २०७९ १०:४७

प्रतिक्रिया दिनुहोस्