दिनेशराज खरेल
म ,यो देशको नागरिक हुँ कि होइन
प्रश्न छ ।
यो देश , देशका नागरिकको लागि हो कि होइन ?
यो पनि प्रश्न छ ।
म ,यो भूमिमा बाँच्न पाउने कि नपाउने ?
फेरि, प्रश्न छ ।
तर , यो राज्य ,
यो सरकार,
अनि यो विधि र व्यवस्थाले के भन्छ ?
उसैलाई प्रश्न छ।
मलाई लाग्छ ! राज्यले मलाई बाँच्न दिदैन ।
मलाई थाहा छ।
उ सिंहदरबारमा बसेर,
मलाई आत्महत्या गर्न दुरुत्साहन गर्दै छ।
उ प्रति मेरो कुनै गुनासो छैन किनभने
उ राज्य हो ।
उ सरकार हो।
उ विधि हो ।
उ व्यवस्था हो ।
उसलाई कुनै प्रश्न गर्न पाईदैन ।
मैले प्रश्नको जवाफ खोजे भने
मुख टालिदिन्छ - छानबिन आयोग बनाएर ।
त्यसैले मैले उसलाई कुनै प्रश्न गर्न छोडी सकेको छु ।
-1751008311.jpeg)
-1750061832.jpeg)
