चैत २५ र २६ प्रगतिशील लेखक संघको राष्ट्रिय सम्मेलन हुँदै

प्रमुख समाचार

गृहपृष्ठ
प्रमुख समाचार
चैत २५ र २६ प्रगतिशील लेखक संघको राष्ट्रिय सम्मेलन हुँदै

चैत २५ र २६ प्रगतिशील लेखक संघको राष्ट्रिय सम्मेलन हुँदै

मंगलबार, चैत १, २०७८ kalamnews

Prgatishil-Lakhakah1641099376.jpg

काठमाडौं चैत्र १
प्रगतिशील लेखक संघको १२ औँ राष्ट्रिय सम्मेलन यही चैत २५ र २६ गते काठमाडौंमा हुने भएको छ । सम्मेलनको तयारीका लागि विभिन्न उपसमिति गठन गरिएको छ । राष्ट्रिय सम्मेलनपूर्व प्रदेश र जिल्ला अधिवेशन सम्पन्न गर्न संघले परिपत्र पनि गरेको छ ।

संघका अध्यक्ष प्रा. डा. जीवेन्द्रदेव गिरीको अध्यक्षतामा सोमवार सम्पन्न सचिवालयको बैठकले उनकै संयोजकत्वमा व्यवस्थापन, उपाध्यक्ष गोपिरमण उपाध्यायको संयोजकत्वमा प्रकाशन, उपाध्यक्ष सुशीला प्रधानाङ्गको संयोजकत्वमा स्रष्टा सम्मान, महासचिव समिर सिंहको संयोजकत्वमा प्रतिवेदन मस्यौदा उपसमिति गठनको निर्णय गरेको हो ।

संघका महासचिव सिंहका अनुसार उपमहासचिव आरसी न्यौपानेको संयोजकत्वमा विधान मस्यौदा, सचिव प्रकाश थापामगरको संयोजकत्वमा प्रचार–प्रसार, पारस ढकालको संयोजकत्वमा स्वयंसेवक, डा। देवी दुलालको संयोजकत्वमा प्रतिनिधि व्यवस्थापन र पुरु लम्सालको संयोजकत्वमा हल व्यवस्थापन उपसमिति गठन गरिएको छ ।

संघमा वामपन्थी दल निकट लेखक साहित्यकारहरू आबद्ध छन् । विगतमा असन्तुष्ट भई संघबाट अलग भएका प्रगतिशील घटकलाई आउँदो महाधिवेशनमा समावेश गराउन संघले वार्ता प्रक्रिया अघि बढाएको छ ।

प्रकाशित मिति: मंगलबार, चैत १, २०७८ १२:१७

प्रतिक्रिया दिनुहोस्