समाजवादको बाटोमा दृढता पूर्वक अघि बढौँ: सम्मानित नेता खनाल

प्रमुख समाचार

गृहपृष्ठ
प्रमुख समाचार
समाजवादको बाटोमा दृढता पूर्वक अघि बढौँ: सम्मानित नेता खनाल

समाजवादको बाटोमा दृढता पूर्वक अघि बढौँ: सम्मानित नेता खनाल

बिहीबार, वैशाख ११, २०८२kalamnews

काठमाडौँ। नेकपा (एकीकृत समाजवादी) का सम्मानित नेता तथा पूर्वप्रधानमन्त्री झलनाथ खनालले समाजवादको बाटोमा दृढता पूर्वक अघि बढ्न आह्वान गर्नुभएको छ।

शुक्रबार १९औँ लोकतन्त्र दिवसका अवसरमा सम्मानित नेता खनालले उक्त आह्वान गर्नुभएको हो। जारी विज्ञप्तिमा भनिएकोछ, ‘आज बैशाख ११ गते संसदीय लोकतन्त्र स्थापना भएको दिन हो। नेपाली जनताको लामो संघर्ष र बलिदान फलस्वरूप लोकतन्त्र स्थापना भएको आज एउटा ऐतिहासिक दिन पनि हो। यस सुखद अवसरमा स्वदेश तथा विदेशमा रहनुभएका सम्पूर्ण नेपाली दाजुभाई तथा दिदीबहिनीहरुमा सुख, शान्ति, समृद्धि र उत्तरोत्तर प्रगतिको हार्दिक शुभकामना व्यक्त गर्दछु। साथै, लोकतन्त्र प्राप्तिका आन्दोलनमा आफ्नो जीवन बलिदान गर्नुहुने महान् सहिदहरुप्रति भावपूर्ण श्रद्धाञ्जली अर्पण गर्दछु।’

विज्ञप्तिमा अगाडि भनिएको छ, ‘२००७ सालको क्रान्ति, २०४६ सालको जनआन्दोलन सम्पन्न भए पश्चात नेपाल क्रमशः जनअधिकार र लोकतन्त्रको युग तिर प्रवेश गर्यो । २०६२र०६३ मा पूर्णरुपमा हामीले जनवादी क्रान्ति समेत सम्पन्न गर्यौं । फलस्वरूप, आज हामीले संविधान सभाको निर्वाचन मार्फत नेपालमा नयाँ संविधान निर्माण गरेका छौं र संघीय लोकतान्त्रिक गणतन्त्र नेपाललाई संस्थागत समेत गरेका छौँ। त्यहि संबिधान मार्फत हामीले सबै नेपालीहरुको हक(अधिकार सुनिश्चित तथा सुरक्षित गर्दै मुलुकलाई समृद्ध र समाजवादी मुलुकको बाटोमा अघि बढाउन प्रयत्नशिल छौँ। तसर्थ, आजसम्मको हाम्रा यी प्राप्त उपलब्धिहरुलाई रक्षा गर्न, यसको विकास गर्न, अझ समृद्ध र सुदृढ बनाउन हामी सबैले जोडदार प्रयत्न गर्नुपर्छ। अन्त्यमा, लोकतन्त्र दिवसको अवसरमा म फेरि पनि सम्पुर्ण देशभक्त, प्रगतिशील र परिवर्तनकामी जनतालाई समाजवादको बाटोमा दृढता पूर्वक अघि बढेर हाम्रो देशलाई समाजवादी लोकतान्त्रिक मुलुकमा रूपान्तरण गर्नका निम्ति एकतावद्ध भएर अघि बढ्न म जोड्दार आह्वान गर्दछु।’

प्रकाशित मिति: बिहीबार, वैशाख ११, २०८२ १४:४०

प्रतिक्रिया दिनुहोस्