प्रथम सुदूरपश्चिम अधिवेशन धनगढीमा

प्रमुख समाचार

गृहपृष्ठ
प्रमुख समाचार
प्रथम सुदूरपश्चिम अधिवेशन धनगढीमा

प्रथम सुदूरपश्चिम अधिवेशन धनगढीमा

बुधबार, चैत १३, २०८१ kalamnews

धनगढी। नेपाल कम्युनिष्ट पार्टी (एकीकृत समाजवादी) को प्रथम सुदूरपश्चिम प्रदेश अधिवेशन धनगढीमा हुने भएको छ।

सुशासन र रोजगारी, समाजवादको तयारी भन्ने नारा सहित प्रदेश अधिवेशन चैत १७ र १८ गते धनगढीमा गर्ने बुधबार धनगढीमा आयोजित पत्रकार सम्मेलनमा प्रदेश अध्यक्ष हर्कबहादुर सिंहले जानकारी दिनुभयो।

उहाँले अधिवेशनका लागि ९ वटै जिल्लामा प्रतिनिधि छनोट गरिसकेको बताउनुभयो। उहाँकाअनुसार अधिवेशन सम्पन्न गर्नका लागि मुल आयोजक कमिटि संगै विभिन्न समिति गठन गरिएका छन्।

सुदूरपश्चिम प्रदेशमा १७ हजार ६ सय ७९ जना संगठित सदस्य रहेको (एकीकृत समाजवादी) को प्रथम प्रदेश अधिवेशनमा झण्डै ५ सय जना सहभागी रहने अध्यक्ष सिंहले जानकारी दिनुभयो।

पत्रकार सम्मेलनमा पार्टीका केन्द्रीय उपाध्यक्ष एवं सुदूरपश्चिम प्रदेश ईन्चार्ज भानुभक्त जोशीले प्रदेश अधिवेशनमा पार्टिका केन्द्रीय अध्यक्ष माधवकुमार नेपाल, महासचिव घनश्याम भूसाललगायत पदाधिकारीको सहभागिता रहने जानकारी दिनुभयो।

cpnus-sudurpaschim--(2)-1743006933.jpg