काठमाडौँ। नेकपा (एकीकृत समाजवादी) कोशी प्रदेश सम्पर्क कमिटीको पाँचौ बैठक सम्पन्न भएको छ।
कमिटीका अध्यक्ष दिलीप कुमार राईको अध्यक्षतामा सम्पर्क सभाकक्ष शान्तिनगरमा बैठक सम्पन्न भएको हो। केन्द्रीय लेखापरीक्षण आयोगका सचिवालय सदस्य दङ्गध्वज खोयाहाङ, संघीय सम्पर्क कमिटीका आर्थिक विभाग प्रमुख बमबहादुर खत्री तथा सदस्यहरू देवबहादुर खत्री, रेखा राई प्रधान, हरि के साम्पाङ, देवी प्रसाद रिजाल, रत्न देवी राई (उषा), सल्लाहकार परिषदका अध्यक्ष टेक बहादुर गुरुङको उपस्थिति रहेको थियो।
बैठकले संघीय सम्पर्क कमिटीमा पोलिटब्यूरो सदस्य इन्चार्ज लक्ष्मण केसी र केन्द्रीय कमिटी सदस्य वीरबल काजी राई सहइन्चार्ज तथा कोशी प्रदेश सम्पर्क कमिटीमा दंगध्वज खोयाहाङले इन्चार्जको जिम्मेवारी प्राप्त गर्नुभएकोमा हार्दिक स्वागत गर्दै उहाँहरूको नेतृत्व तथा अभिभावकत्वमा सङ्गठन सुदृढ भएर अघि बढाउने निर्णय गरेको छ।
त्यसैगरी तारानाथ दाहाल अध्यक्ष रहनुभएको संघीय सम्पर्क कमिटीका नवनिर्वाचित सम्पूर्ण कमिटीलाई हार्दिक बधाई तथा शुभकामना दिने निर्णय गर्यो।
बैठकका भएका थप महत्वपूर्ण निर्णयहरूमा कमिटीका उपाध्यक्ष गणेश कुमार खड्कालाई स्कुल विभाग, सचिव जनक प्रसाद दाहाललाई संगठन विभाग तथा उपसचिव गंगा प्रसाद रिजाललाई प्रचार विभागको जिम्मेवारी दिने निर्णय गरियो।
त्यसैगरी वर्तमान कमिटीको संख्या सानो भएकोले पदाधिकारीलाई सचिवालय मानी कार्यसम्पादन गर्ने निर्णय गरियो। कमिटीद्वारा आगामी २०८२ को बडा दशैं तथा शुभदीपावलीलाई लक्षित गरेर कमिटीको वार्षिक प्रकाशनको रूपमा मुखपत्र प्रकाशन गर्ने तथा २०८२ बैशाख १३ गते शनिबार कोशी प्रदेश अन्तर्गतका सबै जिल्ला सम्पर्क कमिटीहरूको संयुक्त आयोजनामा वनभोज कार्यक्रम आयोजना गर्ने निर्णय गर्दै सम्पन्नभयो।
-1743592998.jpg)
-1743590411.jpg)
