काठमाडौँ। नेकपा (एकीकृत समाजवादी) झापाको दशौँ जिल्ला अधिवेशन आगामी चैत १६ र १७ गते सम्पन्न गर्ने भएको छ।
शनिबार झापा जिल्ला कमिटीको बैठकले उक्त निर्णय गरेको हो। झापा जिल्ला कमिटी अध्यक्ष वेदराज रेग्मीको अध्यक्षता तथा पाटीका पोलिटब्युरो सदस्य अशेष घिमिरेको प्रमुख आतिथ्यता रहेको थियो।
जिल्ला कमिटी सचिव विपी भट्टराईले सञ्चालन गरेको उक्त बैठकमा केन्द्रीय कमिटी सदस्य तथा इञ्चार्ज झापा पुष्पराज पोखरेल र केन्द्रीय कमिटी सदस्य सहइञ्चार्ज झापा निलमणी बराल अतिथिका रुपमा उपस्थिति हुनुहुन्थ्यो।
बैठकमा देशको समाजवादी रूपान्तरणको लागि, आजको पूँजिवादविरूद्ध सिंगो कम्युनिस्ट आन्दोलनलाई केन्द्रित गर्न पाँचवटा महत्वपूर्ण गरिएको छ। जसमा राजनीतिक वैचारिक तयारी, कार्यक्रमिक तयारी, सांगठानिक तयारी, प्रचारात्मक तयारी, जनपरिचालनको तयारी गरिएको छ।
प्रमुख अतिथि घिमिरेले समाजवादी क्रान्तिका लागि आवश्यक पाँच तयारीसँग गाँसेर अधिवेशनको तयारी गर्न जरूरी रहेको बताउनु भयो। उहाँले भन्नुभयो, जिल्ला अधिवेशन केवल वैधानिक काम मात्र नभएर यो राजनीतिक संघर्षको, वर्ग संघर्षको र समाजवाद निर्माणको एउटा महत्वपूर्ण अवसर पनि हो।
निर्णयहरूः
राजनीतिक प्रतिवेदन लेखनः क। वेदराज रेग्मी अध्यक्ष, झापा ।
प्रतिनिधि व्यवस्थापनः क। विपि भट्टराई, सचिव झापा।
जनपरिचालनः क। प्रत्युस राना, उपाध्यक्ष झापा ।
लगायतका अन्य आवश्यक समितिहरू बनेका छन् ।
-1743592998.jpg)
-1743590411.jpg)
