काठमाडौँ। नेकपा (एकीकृत समाजादी) का अध्यक्ष माधवकुमार नेपालले एमालेले भीम रावललाई कारबाही गरेर निकालेपछि आफूहरूले गरेको विद्रोहको औचित्य पुष्टिभएको स्पष्ट पार्नुभएको छ।
एमालेबाट विद्रोह गरेर एकीकृत समाजवादी निर्माण गरेको औचित्य पुष्टि भएन भन्ने आवाज आफूले सुनेको भन्दै उहाँले एमालेले गरिरहेको गतिविधिबाट विद्रोहको औचित्य पुष्टिभएको स्पष्ट पार्नुभएको हो।
‘विद्रोहको औचित्य पुष्टि गर्न सकेन भन्ने सुनेको छु। भीम रावललाई कारबाही गरेर निकालेपछि पनि पुष्टि भएन? वामदेव गौतम एकता गर्छु भनेर हामीकहाँ आउँछु भनेर ठिक्क परेको मान्छेलाई अल्मल्याएर एकता कहाँ सम्भव छ भनेर बेइज्जत गरेपछि पनि चित्त बुझेन,’ उहाँले भन्नुभयो, ‘हुँदाहुँदा पार्टीमा केही कुरा उठायो भनेर कारबाही गरेर बिजोग बनाएर पनि चित्त बुझेन।’
एमाले अध्यक्ष एवं प्रधानमन्त्री केपी शर्मा ओलीले आफ्नो नाम सुन्दा पनि वाकवाकी लाग्ने र आफूलाई आउट भनेको पनि उहाँले सुनाउनुभयो। यस्तो अभिव्यक्ति दिइरहेकाले एमालेसँग पार्टी एकताको कुनै गुञ्जायस नभएको उहाँको भनाई छ।
‘नाम सुनेर पनि वाकवाकी लाग्छ भनेर पनि चित्त बुझेन। फालाना व्यक्तिलाई आउट, अरूलाई इन भन्दा पनि चित्त बुझेन,’ उहाँले भन्नुभयो, ‘यस्ता वाहियात कुरा गरेर एमालेसँग एकताको गुञ्जायस छ भन्ने भ्रमबाट मुक्त हुनुस्।’
नेकपा एकिकृत समाजवादी गण्डकी प्रदेशको प्रथम अधिवेशनको शनिबार पोखरामा उद्घाटन गर्दै नेपालले माओवादीसँग पनि पार्टी एकता नहुने बताउनुभयो। ‘माओवादीसँग मिल्दैछ भन्ने वाहियात कुराबाट मुक्त हुनुस्, हाम्रो पार्टीलाई आफ्नै खुट्टामा उभ्याउन तयार छौं,’ उहाँले भन्नुभयो।
-1741747326.jpg)
-1741704852.jpg)
-1741711632.jpg)
-1741704852.jpg)
