सम्मानित नेता खनालद्वारा सहिद दिवसको शुभकामना

प्रमुख समाचार

गृहपृष्ठ
प्रमुख समाचार
सम्मानित नेता खनालद्वारा सहिद दिवसको शुभकामना

सम्मानित नेता खनालद्वारा सहिद दिवसको शुभकामना

बुधबार, माघ १६, २०८१kalamnews

काठमाडौँ। नेकपा (एकीकृत समाजवादी) का सम्मानित नेता तथा पूर्वप्रधानमन्त्री झलनाथ खनालले सहिद दिवसका अवसरमा शुभकामना सन्देश जारी गर्नुभएको छ।

बुधबार एक विज्ञप्ति जारी गरेर सम्मानित नेता खनालले सहिद दिवसको शुभकामना सन्देश व्यक्त गर्नुभएको हो। जारी विज्ञप्तिमा भनिएको छ, ‘आज मिति १६ माघ २०८१, सहिद दिवसको दिन हो। आजकै दिन निरंकुश तानाशाही राणा शासनका विरुद्ध लोकतन्त्रको आवाजलाई बुलन्द बनाउँदै हाम्रा वीर सहिदहरु शुक्रराज शास्त्री, गङ्गालाल श्रेष्ठ, दशरथ चन्द र धर्मभक्त माथेमा लगायतले सहादत प्राप्त गर्नुभएको थियो। म सर्वप्रथम वीर अमर सहिदहरुप्रति हार्दिक श्रद्धाञ्जली अर्पण गर्दछु।
वहाँहरु नै नेपालमा लोकतन्त्र, राष्ट्रियता र मानव अधिकारका आवाज घन्काउने प्रथम पंक्तिका योद्धाहरु हुनुहुन्थ्यो। वहाँहरूको बलिदानले निरंकुश राणा शासनको जगलाई नै हल्लाइदियो। नेपाली जनतामा लोकतन्त्रको व्यापक जागरण पैदा गरिदियो।’

विज्ञप्तिमा अगाडि भनिएको छ, ‘जसको परिणाम स्वरूप २००७ सालको क्रान्ति सम्पन्न भयो। तिनै वीर अमर सहिदहरूको समेत योगदानको परिणाम स्वरूप आज नेपालमा संघीय लोकतान्त्रिक गणतन्त्र स्थापना भएको छ। ती वीर अमर शहिदहरुको सपना अझै पुरा भएको छैन। वहाँहरु लगायतका सम्पूर्ण सहिदहरुको सपना साकार पार्न आज हामीले एउटा शक्तिशाली कम्युनिष्ट पार्टी निर्माण गर्ने, समाजवादी क्रान्तिलार्ई अघि बढाउने र वैज्ञानिक समाजवाद प्राप्त गर्ने दिशामा कैयौँ गुणा शक्तिका साथ अघि बढ्नुपर्छ। यसरी मात्र हामीहरु वीर अमर सहिदहरुलाई सम्मान गर्न सक्छौँ।’

प्रकाशित मिति: बुधबार, माघ १६, २०८१ १२:०३

प्रतिक्रिया दिनुहोस्