अहिलेकै अवस्थामा एमाले-माओवादीसँग एकता सम्भव छैन: दामोदर अर्याल

प्रमुख समाचार

गृहपृष्ठ
प्रमुख समाचार
अहिलेकै अवस्थामा एमाले-माओवादीसँग एकता सम्भव छैन: दामोदर अर्याल

अहिलेकै अवस्थामा एमाले-माओवादीसँग एकता सम्भव छैन: दामोदर अर्याल

मंगलबार, पुस २३, २०८१kalamnews

काठमाडौँ। नेकपा (एकीकृत समाजवादी) पोलिटब्यूरो सदस्य तथा पार्टी प्रचार विभाग उपप्रमुख दामोदर अर्यालले तत्काल कुनै पार्टीसँग एकता सम्भव नरहेको बताउनु भएको छ।

जनता टेलिभिजनमार्फत प्रसारण हुने एक कार्यक्रममा नेता अर्यालले उक्त कुरा बताउनु भएको हो। उहाँले भन्नुभयो, ‘हालै हाम्रो पार्टी कसैसँग एकता गरिहाल्ने पक्षमा छैन। तर, माओवादी र एमालेसँगको एकताका बारेमा कुरा गर्दा हामी एमालेसँग नजिक छौँ। इतिहासलाई हेर्ने दृष्टिकोण र कार्यशैली मिल्छ। जबजबाहेक हाम्रा धेरै कुरा एमालेसँग नजिक छौँ।’

साथै नेता अर्यालले लोकतन्त्रमा भ्रष्टचार कम हुने भएपनि प्रचार बढी भइरहेको बताउनु भयो। उहाँले भन्नुभयो,‘तानाशाही शासन व्यवस्थामा धेरै भ्रष्टचार हुन्छ। त्यसको तुलनामा लोकतन्त्रमा निक्कै कम भ्रष्टचार हुन्छ। तर, सूचनाको हक हुन्छ। मिडियामा समाचार आउछ। त्यसैले त्यसको चर्चा बढी हुन्छ।’

त्यस्तै नेता अर्यालले प्रत्यक्ष कार्यकारी प्रमुखको एजेण्डा विदेशी एजेण्डा भएको बताउनु भएको छ।

प्रकाशित मिति: मंगलबार, पुस २३, २०८१ १४:०५

प्रतिक्रिया दिनुहोस्