वामदेव गौतम छिट्टै एकीकृत समाजवादीमा समाहित हुनुहुन्छ: उपाध्यक्ष ज्वाला

प्रमुख समाचार

गृहपृष्ठ
प्रमुख समाचार
वामदेव गौतम छिट्टै एकीकृत समाजवादीमा समाहित हुनुहुन्छ: उपाध्यक्ष ज्वाला

वामदेव गौतम छिट्टै एकीकृत समाजवादीमा समाहित हुनुहुन्छ: उपाध्यक्ष ज्वाला

बुधबार, पुस १७, २०८१kalamnews

काठमाडौँ। नेकपा (एकीकृत समाजवादी) का उपाध्यक्ष एवं पार्टी प्रचार विभाग प्रमुख प्रकाश ज्वालाले वामदेव गौतम केही समयभित्र नै एकीकृत समाजवादीमा समाहित हुने जानकारी दिनुभएको छ।

बुधबार नेकपा (एकीकृत समाजवादी) को केन्द्रीय कार्यालय आलोकनगरमा पार्टी अध्यक्ष माधवकुमार नेपालसहितका नेताहरुसँगको छलफलमा वामदेव गौतमले उक्त कुरामा सहमति जनाउनुभएको हो।

प्रमुख ज्वालाले सञ्चारकर्मीसँगको कुराकानीमा भन्नुभयो, 'पार्टी एकताका सन्दर्भमा नियमित जस्तै आज पनि बैठक बस्यो। एकताका बारेमा छलफल भयो। आजको बैठकमा नेकपा (एकीकृत समाजवादी) का अध्यक्ष माधवकुमार नेपाल, महासचिव घनश्याम भुसाललगायतका नेताहरू वामदेव गौतम कमरेडसँग बस्यौँ। छलफलमा सैद्धान्तिक रूपमा एकता नजिक पुगेका छौँ। अब नेता कार्यकर्ताहरूको व्यवस्थापनका बारेमा बाँकी छ। त्यो पनि चाँडै टुङ्गोमा पुग्छौँ।'

पार्टी प्रचार विभाग प्रमुखसमेत रहनु भएका उपाध्यक्ष ज्वालाले अगाडि भन्नुभयो, 'वामदेव कमरेडसँङ पनि कम्युनिष्ट आन्दोलनमा लामो समयदेखि क्रियाशिल साथीहरु हुुनुहुन्छ। ठूलो योगदान दिनुभएको नेताहरु हुनुहुन्छ। उहाँहरुको व्यवस्थापन गर्नुछ।'

प्रकाशित मिति: बुधबार, पुस १७, २०८१ २१:०४

प्रतिक्रिया दिनुहोस्