प्राकृतिक विपत्तिमा सरकार रमिते बन्यो: एकीकृत समाजवादी दाङ

प्रमुख समाचार

गृहपृष्ठ
प्रमुख समाचार
प्राकृतिक विपत्तिमा सरकार रमिते बन्यो: एकीकृत समाजवादी दाङ

प्राकृतिक विपत्तिमा सरकार रमिते बन्यो: एकीकृत समाजवादी दाङ

मंगलबार, असोज १५, २०८१kalamnews

दाङ। नेकपा (एकीकृत समाजवादी) दाङको कार्यालय बैठकले वर्तमान सरकार असफल भएको निष्कर्ष निकालेको छ।

आइतबार जिल्ला पार्टी कार्यालय घोराहीमा बसेको बैठकले देशमा बाढी र पहिरोले झण्डै डेढ सयको ज्यान जाँदासमेत सरकार मुकदर्शक बनेको, झण्डै चार दर्जन राजमार्ग ठप्प हुँदा सरकार मौन बसेको, अर्बौको क्षति भइरहँदा सरकार रमिते बनेको बैठकको निष्कर्ष निकालेको हो।

एकीकृत समाजवादीका केन्द्रीय सदस्य जोग बहादुर राणाको प्रमुख आतिथ्यतामा बसेको बैठकले सरकारसँग बाढी पीडित जनतालाई तत्काल राहत र उद्धारको माग गर्नुका साथै पार्टीबाट केन्द्रीय विभाग तथा आयोगहरुमा जिल्लाका नेताहरुको नाम समेत सिफारिस गरिएको प्रचार विभाग प्रमुख सूर्य बिसीले बताउनु भएको छ।

जिल्ला अध्यक्ष भूपबहादुर केसीको सभापतित्वमा सम्पन्न बैठकमा केन्द्रीय सदस्य अनारकली मिया, ससमती चौधरी, प्रेम बक्स मिँया, गजेन्द्र खड्का, गुरुप्रसाद महरा, हरिकला बाँठा मगर लगायतले मन्तव्य राख्नु भएको थियो।

प्रकाशित मिति: मंगलबार, असोज १५, २०८१ १३:१९

प्रतिक्रिया दिनुहोस्