त्रिशुलीमा वेपत्तामध्ये १५ जनाको शव भेटियो

प्रमुख समाचार

गृहपृष्ठ
प्रमुख समाचार
त्रिशुलीमा वेपत्तामध्ये १५ जनाको शव भेटियो

त्रिशुलीमा वेपत्तामध्ये १५ जनाको शव भेटियो

मंगलबार, साउन १, २०८१ kalamnews

काठमाडौँ। मुग्लिन–नारायणघढ सडकअन्तर्गत सिमलतालमा पहिरोले दुई बस बगाउँदा त्रिशूलीमा वेपत्ता भएका यात्रुमध्ये १५ जनाको शव भेटिएको छ।

आज (साउन १ गते) थप एक जनाको शव भेटिएसँगै मृत्यु हुने यात्रुको संख्या १५ पुगेको हो। सशस्त्र प्रहरी बलले दिएको विवरणअनुसार खोजीका क्रममा आज बिहान पूर्वी नवलपरासी गैँडाकोट नगरपालिका–७ नारायणी नदीमा थप एउटा पुरुषको शव फेला परेको हो। उनको पहिचान खुलिसकेको छैन।

वीरगन्जबाट काठमाडौँ आउँदै गरेको बा प्र०३००६ख नम्बरको एन्जल डिलक्समा २७ जना र काठमाडौँबाट गौर जाँदै गरेको प्र३००१ख २४९५ नम्बरको गणपति डिलक्समा ४१ जना गरी जम्मा ६५ यात्रु बससँगै त्रिशूलीमा खसेका थिए।

तीमध्ये तीन जना पौडिएर बँच्न सफल भए भने बाँकी ६२ जना बेपत्ता थिए। तीमध्ये अहिलेसम्म १५ जना मृत फेला परेका हुन्। अब अझै ४७ जना भेटिन बाँकी छन्।

प्रकाशित मिति: मंगलबार, साउन १, २०८१ १२:०७

प्रतिक्रिया दिनुहोस्