अध्यक्ष बसुन्धरा हुमागाईं सम्मानित

प्रमुख समाचार

गृहपृष्ठ
प्रमुख समाचार
अध्यक्ष बसुन्धरा हुमागाईं सम्मानित

अध्यक्ष बसुन्धरा हुमागाईं सम्मानित

मंगलबार, जेठ १५, २०८१दिनेश खरेल

काभ्रे। नेकपा (एकीकृत समाजवादी) काभ्रेका अध्यक्ष बसुन्धरा हुमागाईं सम्मानित हुनु भएको छ।

सोमबार काभ्रेको बनेपामा चण्डेश्वरी निजी खच्चा गुठीले एक कार्यक्रम आयोजना गरी अध्यक्ष हुमागाईंलाई सम्मान गरेको हो ।

उहाँले चण्डेश्वरी निजी खच्चा गुठीको भवन निर्माणको निम्ति आर्थिक वर्ष २०७९/८० मा वागमती प्रदेश सरकारको तर्फबाट बजेट विनियोजन गराइ सहयोग गर्नुभएको भन्दै गुठीले सम्मान गरेको बताइएको छ।

गुठीले प्रदान गरेको सम्मान पत्रमा भनिएको छ, ‘हाम्रो यस गुठीलाई आर्थिक सहयोग उपलब्ध गराइदिनु भएकोमा हामी गुठियारहरु खुशी छौँ। अगामि दिनमा पनि यसरी नै जनताको सेवा गर्ने चाहाना र इच्छा चण्डेश्वरी माईले पूरा गरून्। आभारी व्यक्त गर्ने चाहान्छौँ।’

अध्यक्ष हुमागाइले चण्डेश्वरी निजि खच्चा गुठीले सम्मान गरेकोमा खुशी व्यक्त गर्दै, काभ्रेको विकास लगायत कला, साहित्य, संस्कृति र परम्पराको संरक्षण र सम्बर्द्धनमा आफ्नो भूमिका निरन्तर रहने बताउनु भएको छ।

उहाँ बागमती प्रदेश सरकारको पूर्व कृषि तथा पशुपन्छि विकास मन्त्री हुनुहुन्छ। उहाँले कृषि तथा पशुपन्छि विकास मन्त्री रहँदा धेरै राम्रा र दिर्धकालिन विकास निर्माणका कार्यको सुरूवात गर्नुभएको थियो।