बुद्ध दर्शन मानव समुदायका लागि प्रेरणादायी छ: अध्यक्ष नेपाल

प्रमुख समाचार

गृहपृष्ठ
प्रमुख समाचार
बुद्ध दर्शन मानव समुदायका लागि प्रेरणादायी छ: अध्यक्ष नेपाल

बुद्ध दर्शन मानव समुदायका लागि प्रेरणादायी छ: अध्यक्ष नेपाल

बिहीबार, जेठ १०, २०८१kalamnews

काठमाडौँ। नेकपा (एकीकृत समाजवादी) का अध्यक्ष माधवकुमार नेपालले विश्व शान्ति तथा मानव कल्याणका लागि बुद्धले प्रतिपादन गरेको अहिंसाको दर्शन मानवसमुदायका लागि प्रेरणादायी भएको बताउनु भएको छ।

शान्तिका अग्रदूत गौतमबुद्धको २५६८औँ जन्मजयन्तीका अवसरमा आज शुभकामना सन्देश निकालेर उनले बुद्धले प्रतिपादन गरेका अहिंसा, शान्ति, करुणा, मानव अधिकार र उपदेश अहिले पनि उत्तिकै सान्दर्भिक रहेका बताउनु भएको हो।

बौद्ध उपदेश, शिक्षा र मार्गदर्शनलाई अवलम्बन गर्न सकेमा एकापसमा सद्भाव तथा सहिष्णुता कायम हुने विश्वास व्यक्त गर्दै अध्यक्ष नेपालले बुद्धका विचार अन्तर्राष्ट्रियस्तरमा प्रवद्र्धन गर्नुपर्नेमा जोड दिनु भएको छ।

यसैबीच, उहाँले उँभौली पर्वकाअवसरमा सम्पूर्ण किरात समुदायको सुख शान्तिको कामना गर्दै शुभकामना व्यक्त गर्नु भएको छ।