पोखरा। नेकपा (एकीकृत समाजवादी) का महासचिव घनश्याम भुसालले देशको वर्तमान अवस्था बिग्रनुको प्रमुख कारण नै जुंगा कालो हुँदै गएका, कपाल पलाएका तर, बुद्धि नपलाएका नेता रहेको आरोप लगाउनु भएको छ।
शनिबार पार्टी निकट युवा संघ नेपाल कास्कीको ११औं जिल्ला अधिवेशनलाई सम्बाधेन गर्दै उहाँले यस्तो टिप्पणी गर्नु भएको हो। ‘हिजो एउटा ठूलै नेता आएर पोखरामा भनेछन्। मेरो जुंगा कालो हुँदै गएका छन्। कपाल पलाउन थालेको छ भनेछन्। देशको यो अवस्था हुँदा कपाल पलायो, जुंगा काला भए भन्नुको अर्थ के हो ?’ उहाँको प्रश्न छ।
पोखरामा शुक्रबार केपी शर्मा ओलीले एकीकृत समाजवादीका अध्यक्ष माधव नेपाल र सम्मानित नेता झलनाथ खनालमाथि कटाक्ष गर्दै आफ्नो जुंगा कालो हुँदै गरेको र कपाल पलाएको प्रसँग कोट्याउँदै ‘अब २० वर्ष कसैले हल्लाउन सक्दैन’ भन्ने टिप्पणी गर्नु भएको थियो।
केपी ओली नेतृत्वको नेकपा एमालेले देशका समस्या सामाधान गर्छ भन्नु दिउँसै रात पार्नु सरह भएको भुसालले टिप्पणी गर्नुभयो। उहाँले ‘जबसम्म एमालेमा केपी ओली गुटको नेतृत्व रहन्छ त्यतिबेलासम्म एमालेलाई लैजाने भनेको नर्ककै बाटो हो’ भन्नु भएको छ।
उहाँले यसोभन्दा आफूलाई खुशी भने नलाग्ने धारणा राख्नुभयो। ‘त्यो आसाधारण शक्ति भएको कम्युनिष्ट पार्टीलाई छिन्नविन्न पार्ने, कुनै गल्ति कम्जोरीको महसुस् नगर्ने र अझै नेताहरुको मानमर्दन गर्ने केपी ओली गुटको नेतृत्वको एमालेले यो देशको तमाम समस्या समाधान गर्छ भन्नु दिउँसै रातपार्नु हो।’ उहाँले भन्नुभयो।
जनताको विश्वास माथि केपी ओलीले गरेको अपराधको मूल्य मुलुकले चुकाइरहेको उहाँले सुनाउनु भयो। ‘त्यो नेतृत्व जो हिजो पनि आएर दुनियाँलाई हेप्दैछ। पाटी उहाँको दाइजो हो? उहाँको जिमिन्दारी हो? जुन एमाले हिजो उहाँले चालाउनुभयो। आज जसरी चलाउनु हुँदैछ। त्यो नेतृत्वले देश चलाउँछु भन्ने कुरा बकवास बाहेक केही हुनै सक्दैन’ उहाँको भनाई छ।
महासचिव भुसालले एमाले अध्यक्ष ओलीले प्रचण्डलाई, माधव नेपाललाई, झलनाथ खनाललाई र केही सांसदलाई ठिक पारे भन्ने लागेको हुनसक्ने भन्दै ओलीले अपराध नगरेको भए आज देशमा धेरै कुरा ठीकठाक भइसकेको हुने विश्लेषण सुनाउनु भयो।
‘यत्रो जनमतलाई चितुवाले बाख्रो घिसारे झैं एमालेलाई घिसारेर सक्दै हुनुहन्छ । राष्ट्रिय राजनीतिमा गरेका त्यत्रा तमाम अपराध माथि त्यो पार्टीमा प्रश्न गर्ने हैसियत कसैले राख्दैन’ उहाले भन्नुभयो।
नेपाली कांग्रेसले झनै यो देशको समस्या समाधान गर्न नसक्ने उहाँले बताउनु भयो। कांग्रेसको कुनै नीति र योजना नै नरहेको उनले आरोप लगाउनु भयो। ‘कांग्रेसलाई १८ वर्ष पुगेपछि भोट हाल्न पाइन्छ भने पुग्छ। देशमा देखिएका तमाम समस्या कसरी समाधान गर्ने भन्यो भने समयले आफै समाधान गर्छ भन्छ। खुल्ला अर्थतन्त्रमा सबै प्रतिस्पर्धा हुन्छ भन्छ। सरकारी उद्योग कलकारखाना बेच्छ। अनि ठिक गर्यौं भन्छ। त्यस्तो पार्टी मुलुकका समस्या समाधान गर्ने कुरै भएन’ उहाँले भन्नुभयो।
माओवादीले सबै पुराना संरचनालाई हल्लाएको टिप्पणी गरेका उहाँले देशका विद्यमान समस्या समाधान माओवादीले माओवादी भएर हल गर्न नसक्ने ठोकुवा गर्नुभयो। ‘माओवादीले देशका पुराना संरचना एक पटक सबै हल्लायो। तर, अब उसले सक्दैन। माओवादीको समस्या नै माओवाद हो। उसले तत्काल त्यसलाई छाड्ने सम्भावना पनि देखिँदैन’ उहाँले भन्नुभयो।
-1732011400.jpeg)
-1731919476.jpg)