दाङका किसानको जग्गा डकैती शैलीमा गुठिमा सारिएको छ: सांसद चौधरी

प्रमुख समाचार

गृहपृष्ठ
प्रमुख समाचार
दाङका किसानको जग्गा डकैती शैलीमा गुठिमा सारिएको छ: सांसद चौधरी

दाङका किसानको जग्गा डकैती शैलीमा गुठिमा सारिएको छ: सांसद चौधरी

बिहीबार, फागुन १०, २०८० kalamnews

काठमाडौँ। नेकपा (एकीकृत समाजवादी) का पोलिटब्यूरो सदस्य एवं प्रतिनिधिसभा सदस्य मेटमणी चौधरीले दाङका विभिन्न क्षेत्रको जग्गा स्वर्गदारी गुठिका नाममा कसरी गर्यो भन्दै प्रश्न गर्नु भएको छ।

बिहिबार संसदमा बोल्दै नेता चौधरीले उक्त प्रश्न राख्नु भएको हो। उहाँले भन्नुभयो,‘महेन्द्र शाहले २०२८ सालमा २५ विगाहको हदबन्दि लागु गरेपछि एकै रातमा दाङ देउखुरी क्षेत्रको बनगाउँ, मजगाउँ, भूरीपुर, दाङ उपत्यकाको मैनावार, रतनपुर लगायत १ हजार ५० विगाह जमिन स्वर्गदारी गुठिमा पारिएको थियो। किसान, गरिबहरूले बर्षौदेखि भोकचलन गर्दै आएको उक्त जमिन गुठिमा सार्ने कामका विरुद्धमा अहिले किसानहरू आन्दोलनमा उत्रिनु भएको छ।’

नेता चौधरीले अगाडि भन्नुभयो,‘जनताको जग्गा स्वर्गद्धारी गुठिमा पार्ने कामका विरुद्धमा किसानहरू ओक्रोशित हुनुहुन्छ। सयौं वर्षदेखि भोकचलन गर्दै आएको जमिन गुठिका नाममा किन सारियो, यसको बारेमा सरकारले उचित निर्णय लिनुपर्छ। किसानहरूको जमिन सामान्तीहरुले डकैतीशैलीमा गुठिका नाममा सारिदा अन्यायमा परेका किसानहरू आज आन्दोलित बनेका छन्। जसमा मेरो पूर्ण समर्थन छ।’

प्रकाशित मिति: बिहीबार, फागुन १०, २०८० १४:०८

प्रतिक्रिया दिनुहोस्