केन्द्रीय सचिवालय बैठक भोलि बस्नेगरी स्थगित

प्रमुख समाचार

गृहपृष्ठ
प्रमुख समाचार
केन्द्रीय सचिवालय बैठक भोलि बस्नेगरी स्थगित

केन्द्रीय सचिवालय बैठक भोलि बस्नेगरी स्थगित

सोमबार, मंसिर १८, २०८०kalamnews

काठमाडौँ। नेकपा (एकीकृत समाजवादी) को ६९औं केन्द्रीय सचिवालय बैठक भोलि बस्नेगरी स्थगित भएको छ।

पार्टीको ६९औँ केन्द्रीय सचिवालय बैठक आज बिहान केन्द्रीय कार्यालय आलोकनगरमा साढे ११ बजे सुरू भएको थियो।

पार्टी उपमहासचिव एवं प्रचार विभाग प्रमुख जगन्नाथ खतिवडाकाअनुसार आगामी माघमा गर्ने भनिएको पार्टीको महाधिवेशनबारे आजको वैठकमा छलफल भएको छ।

वैठकपछि सञ्चारकर्मीसँगको कुराकानीमा उपमहासचिव खतिवडाले भन्नुभयो,‘आज हामीले महाधिवेशनबारे छलफल गर्यौं। त्यसबारे थप निर्णय भोलि गछौं। भोलि बिहान ११ बजेबाट फेरि बैठक बस्छ। महाधिवेशनको विषयलाई लिएर पार्टी अध्यक्ष र सम्मानित नेताबीच कुनै विमति छैन। राष्ट्रियसभाको निर्वाचन, तयारी, जाजरकोट भूकम्पलगायतका विषयहरू हामीबीच छन्। यि विषयमाथि भोलि छलफल गरेर महाधिवेशनबारे निर्णय लिनेछौं।’

खतिवडाले अगाडि भन्नुभयो,‘आजको वैठकमा राष्ट्रिय राजनीतिका बारेमा छलफल भएको छ। आगामी माघमा गर्ने भनिएको पार्टीको केन्द्रीय महाधिवेशनका बारेमा पनि छलफल गरेको छ। विभिन्न विषयमा छलफल भएपनि आजको वैठकले राष्ट्रियसभा निर्वाचनका लागि निर्वाचन आयोगमा दल दर्ता गर्ने निर्णय गरेको छ। अन्य विषयका बारेमा हामीले भोलिको वैठकमा छलफल गरेर निर्णय लिनेछौं।’

प्रकाशित मिति: सोमबार, मंसिर १८, २०८० १८:४०

प्रतिक्रिया दिनुहोस्