स्थायी कमिटी सदस्य कल्याणी खड्कालाई मातृ शोक

प्रमुख समाचार

गृहपृष्ठ
प्रमुख समाचार
स्थायी कमिटी सदस्य कल्याणी खड्कालाई मातृ शोक

स्थायी कमिटी सदस्य कल्याणी खड्कालाई मातृ शोक

शनिबार, मंसिर २, २०८०kalamnews

काठमाडौँ। नेकपा (एकीकृत समाजवादी) का स्थायी कमिटी सदस्य कल्याणी खड्कालाई मातृ शोक परेको छ।

नेता खड्काकी आमा भानु कुमारी खड्काको २०८० कार्तिक २८ गते निधन भएको थियो। यस दुःखद घडीमा पार्टी अध्यक्ष माधव कुमार नेपालले शोक व्यक्त गर्नु भएको छ।

अध्यक्ष नेपालद्वारा जारी विज्ञप्तिमा भनिएको छ,‘नेक दुःख तथा असहज अवस्थालाई झेल्दै परिवारका सदस्यहरूलाई उच्चसंस्कार र शिक्षा प्रदान गरी राजनीति, राष्ट्र तथा समाजसेवामा लगाउन उहॅाले दिनुभएको योगदानलाई हामी उच्चसम्मानसहित सदैव संझिरहने छौं।'

शनिबार जारी विज्ञप्तिमा भनिएको छ, ‘हाम्रो पार्टी नेकपा (एकीकृत समाजवादी) का स्थायी कमिटी सदस्य कमरेड कल्याणी खड्का, केन्द्रीय निर्वाचन आयोग सदस्य कमरेड भुपेन्द्र कुमार खड्का तथा प्रेम कुमार खड्का, योगेन्द्र कुमार खड्का एवम् रूक्मिणी खड्का कार्कीकी ममतामयी आमा भानु कुमारी खड्काको २०८० कार्तिक २८ गते निधन भएकोमा उहॅाप्रति भावपूर्ण श्रद्धान्जली अर्पण गर्दै क.कल्याणी, क.भुपेन्द्रसहित शोक सन्तप्त परिवारजनमा गहिरो समवेदना प्रकट गर्दछु। अनेक दुःख तथा असहज अवस्थालाई झेल्दै परिवारका सदस्यहरूलाई उच्चसंस्कार र शिक्षा प्रदान गरी राजनीति, राष्ट्र तथा समाजसेवामा लगाउन उहॅाले दिनुभएको योगदानलाई हामी उच्चसम्मानसहित सदैव संझिरहने छौं।'

त्यस्तै पार्टीका सम्मानित नेता तथा पूर्वप्रधानमन्त्री झलनाथ खनालले पनि शोक वक्तव्य जारी गर्नु भएको छ।