कोशी प्रदेशमा मुख्यमन्त्रीको शपथ आज, केही मन्त्री समेत नियुक्त हुँदै

प्रमुख समाचार

गृहपृष्ठ
प्रमुख समाचार
कोशी प्रदेशमा मुख्यमन्त्रीको शपथ आज, केही मन्त्री समेत नियुक्त हुँदै

कोशी प्रदेशमा मुख्यमन्त्रीको शपथ आज, केही मन्त्री समेत नियुक्त हुँदै

बुधबार, साउन १७, २०८०kalamnews

विराटनगर । कोशी प्रदेशका नवनियुक्त मुख्यमन्त्री उद्धव थापाले आज शपथ लिनुहुने भएको छ । मुख्यमन्त्री थापाले पहिलो चरणमा केही मन्त्री नियुक्त गर्ने तयारी पनि गर्नुभएको छ । नवनियुक्त मन्त्रीहरूले पनि आजै शपथ लिनुहुनेछ ।

प्रदेश प्रमुखको कार्यालयले साँझ ५ बजे शपथको समय निर्धारण गरेर तयारी गरिरहेको प्रदेश प्रमुखको कार्यालयका निमित्त सचिव नरेन्द्र श्रेष्ठले जानकारी दिनुभयो ।

मुख्यमन्त्री थापाले अघिल्लो क्याबिनेटमा सहभागी हुनुभएका केही मन्त्रीहरू दोहोरिने प्रतिक्रिया दिनुभएको छ । आज विस्तार हुने मन्त्रिपरिषदमा नेपाली काङ्ग्रेसबाट प्रदीप सुनुवार, नेकपा एकीकृत समाजवादीबाट कमलप्रसाद जबेगु र नेकपा माओवादी केन्द्रबाट निवर्तमान सभामुख बाबुराम गौतमलाई समावेश गर्ने तयारी भइरहेको बताइएको छ ।

प्रदेश प्रमुख परशुराम खापुङले संविधानको १६८ को उपधारा २ अनुसार मङ्गलवार नेपाली काँग्रेस, नेकपा माओवादी केन्द्र, जनता समाजवादी पार्टी र नेकपा एकीकृत समाजवादी सहित सरकार गठन गर्न आवश्यक पर्ने न्यूनतम सङ्ख्या ४७ जना सांसदको समर्थनमा प्राप्त काँग्रेस संसदीय दलका नेता थापालाई मुख्यमन्त्री नियुक्त गर्नुभएको थियो ।

प्रकाशित मिति: बुधबार, साउन १७, २०८० ११:००

प्रतिक्रिया दिनुहोस्