राज्यका निकायहरूमा महिलाको अर्थपूर्ण सहभागिता सुनिश्चित गरिनु पर्छ –जयन्ती राई

प्रमुख समाचार

गृहपृष्ठ
प्रमुख समाचार
राज्यका निकायहरूमा महिलाको अर्थपूर्ण सहभागिता सुनिश्चित गरिनु पर्छ –जयन्ती राई

राज्यका निकायहरूमा महिलाको अर्थपूर्ण सहभागिता सुनिश्चित गरिनु पर्छ –जयन्ती राई

मंगलबार, फागुन २३, २०७९kalamnews

काठमाडौं । नेकपा ( एकीकृत समाजवादी ) का उपाध्यक्ष तथा अनेमसंघ अध्यक्ष जयन्ती राईले राज्यका निकायहरूमा महिलाको अर्थपूर्ण सहभागिता सुनिश्चित गरिनु पर्ने बताउनु भएकोछ ।
११३ औ अन्तराष्ट्रिय श्रमिक महिला दिवसको अवसरमा अनेमसंघ (समाजवादी) काठमाण्डौले पार्टी केन्द्रीय कार्यालयमा मङ्गलवार आयोजना गरेको प्रशिक्षण तथा शुभकामना आदानप्रदान कार्यक्रममा बोल्दै अध्यक्ष राईले राज्यका सबै निकायमा अर्थपूर्ण सहभागिता सुनिश्चित गर्न महिला आन्दोलन आवश्यक रहेको बताउनु भएको हो ।
राईले भन्नुभयो ‘ महिलाहरू घरपरिवार, समाज, कार्यक्षेत्र, राजनीति कहिँ पनि सुरक्षित छैनन् त्यसैले महिला अधिकार र सुरक्षाका लागि अझै महिला आन्दोलन आवश्यक छ ।’ राष्ट्रपति , सभामुख, प्रधानन्यायाधीश जस्ता राज्यका दुइचार उच्च पदहरूमामहिलाहरू पुगेपनि आम महिलाहरूको अवस्था अझै दयनीय छ त्यसैले महिलाहरूकोसबै क्षेत्रमा सहभागिता सुनिश्चित गर्न पनि महिलाहरू एकजुट भएर अगाडि बढनुपर्छ , उहाँको कथन थियो ।
पार्टी स्थायी कमिटी सदस्य एवं अनेमसंघ उपाध्यक्ष साबित्रा भुसालले महिला अधिकारका कुराहरू कानूनमा लेखिएपनि व्यवहारमा लागू नभएको बताउँदै उहाँले भन्नुभयो ‘लैङ्गिक विभेदका विरुद्ध महिलाहरू बोल्नु पर्छ , एकजुट हुनुपर्छ र आन्दोलन गर्नुपर्छ ।’
अनेमसंघ महासचिव एवं बागमती प्रदेशसभा सदस्य रमा आलेमगरले नेतृत्वले महिलालाई ‘उप’ पदमा थन्क्याउने गरेको गुनासो गर्नुभयो । सबै मुख्य पदहरूमा महिलाको सहभागिता सुनिश्चित गरिनु पर्ने उहाँको दावी थियो ।
अनेमसंघ काठमाडौं जिल्ला समिति अध्यक्ष सुशीला खतिवडाको अध्यक्षतामा सम्पन्न कार्यक्रममा पार्टी पोलिटब्युरो सदस्य दिलु पन्त, बाग्मती प्रदेशसभा सदस्य ओमकुमारी श्रेष्ठ, अनेमसंघ बाग्मती प्रदेश अध्यक्ष मुनु सिग्देल, पार्टी केन्द्रीय कमिटी सदस्य एवं कामनपा अध्यक्ष रामेश्वर श्रेष्ठ, पार्टी काठमाडौं जिल्ला कमिटी अध्यक्ष एलपी श्रेष्ठ, अनेरास्ववियु महासचिव आरती लामा, अनेमसंघकाठमाडौं उपाध्यक्ष सरिता खनाल, सचिव शशिकला पराजुली लगायतका वक्ताहरूले महिला अधिकारका लागि महिलाहरू एकजुट हुनु पर्ने बताउनु भयो ।