एकीकृत समाजवादी कर्णालीका पाँच नेता निष्काशित, जुम्ला संयोजकमा बुढा

प्रमुख समाचार

गृहपृष्ठ
प्रमुख समाचार
एकीकृत समाजवादी कर्णालीका पाँच नेता निष्काशित, जुम्ला संयोजकमा बुढा

एकीकृत समाजवादी कर्णालीका पाँच नेता निष्काशित, जुम्ला संयोजकमा बुढा

सोमबार, कात्तिक २१, २०७९ kalamnews

काठमाडौं । नेकपा ( एकीकृत समाजवादी ) ले पार्टी विरोधी शक्तिहरुसँग साँठगाँठ गरेपछि पाँच नेतालाई पार्टीबाट निष्कासन गरेको छ ।

महासचिव वेदुराम भुसालले एक विज्ञप्ति जारी गर्दै पार्टी विरोधी शक्तिहरुसँग साँठगाँठ गरेपछि पार्टीबाट निष्काशन गरेको उल्लेख गर्नुभएको छ । निष्काशन हुनेमा जुम्ला र कर्णाली प्रदेश कमिटीका विभिन्न जिम्मेवारीमा रहेका नेताहरु रहेका छन् । नेताहरु देवीलाल थापा, आदीप्रसाद न्यौपाने, नन्दराम रोकाया, रतनबहादुर रोकाया र धर्मराज रावललाई पार्टीको साधारण सदस्य समेत नरहने गरी निष्काशन गरिएको विज्ञप्तिमा उल्लेख छ ।

उनीहरुलाई पार्टी विधानको धारा ६४ (क), १, २, ३, ४, ५, ६ र ११ बमोजिम निष्काशन गरिएको उल्लेख छ । यस्तै, जुम्ला जिल्ला पार्टीको सम्पूर्ण कामको संयोजन गर्ने जिम्मेवारी केन्द्रीय समितिका सदस्य तीर्थबहादुर बुढालाई प्रदान गरिएको छ।

314902535_809039806878759_3879499809888588697_n1667830711.jpg