मुख्यमन्त्री राईको भोजपुर जिल्लाबाट उम्मेदवारी दर्ता

प्रमुख समाचार

गृहपृष्ठ
प्रमुख समाचार
मुख्यमन्त्री राईको भोजपुर जिल्लाबाट उम्मेदवारी दर्ता

मुख्यमन्त्री राईको भोजपुर जिल्लाबाट उम्मेदवारी दर्ता

सोमबार, असोज २४, २०७९ kalamnews

काठमाडौँ । प्रदेश नं . १ का मुख्यमन्त्री तथा नेपाल कम्युनिष्ट पार्टी ( एकीकृत समाजवादी ) का सचिव राजेन्द्रकुमार राईले प्रदेशसभा सदस्यका लागि आफ्नै गृहजिल्ला भोजपुर जिल्ला प्रदेश निर्वाचन क्षेत्र नं. ‘क’ बाट उम्मेदवारी दर्ता गराउनु भएको छ ।

राईले सत्तारुढ गठबन्धन दलका तर्फबाट उम्मेदवारी दर्ता गराउनु भएको हो ।उम्मेदवारी दर्ता गर्ने क्रममा मुख्यमन्त्री राईले फेरि पनि अराजकता, फेरि पनि प्रतिगमनको बाटो समाएका संघीय लोकतन्त्र र गणतन्त्रविरोधीलाई परास्त गरी प्रतिगमनविरुद्ध बनेको गठबन्धनलाई नेपाली जनताले मंसिर ४ गते अनुमोदन गर्ने विश्वास व्यक्त गर्नुभयो ।

भोजपुर जिल्लामा गठबन्धन दलका तर्फबाट प्रतिनिधिसभा सदस्यका लागि नेकपा माओवादी केन्द्रका सुदन किराँती र प्रदेशसभा ‘ख’ मा नेपाली कांग्रेसका विनोद वान्तवा राईले उम्मेदवारी दर्ता गर्नुभएको छ ।

प्रकाशित मिति: सोमबार, असोज २४, २०७९ १०:२४

प्रतिक्रिया दिनुहोस्