एकीकृत समाजवादीले भ्रष्टाचार विरुद्धको दबाबमूलक आन्दोलनलाई तिव्रता दिने ।

प्रमुख समाचार

गृहपृष्ठ
प्रमुख समाचार
एकीकृत समाजवादीले भ्रष्टाचार विरुद्धको दबाबमूलक आन्दोलनलाई तिव्रता दिने ।

एकीकृत समाजवादीले भ्रष्टाचार विरुद्धको दबाबमूलक आन्दोलनलाई तिव्रता दिने ।

मंगलबार, जेठ २, २०८०kalamnews

काठमाण्डौ । नक्कली भुटानी शरणार्थी प्रकरणमा आन्दोलन गर्दै आएको नेकपा ( एकीकृत समाजवादी ) ले सङ्घर्षका चरणवद्ध कार्यक्रम सहित भ्रष्टाचार विरुद्धको दबाबमूलक आन्दोलनलाई तिव्रता दिने भएको छ ।

पार्टीे मोर्चा संगठनको सोमवार बसेको बैठकले नक्कली भुटानी शरणार्थी प्रकरणमा संलग्नहरूलाई हदैसम्मको कारबाही गर्न दबाब दिने उद्देश्यले गर्दै आएको आन्दोलनलाई सङ्घर्षका थप चरणबद्ध कार्यक्रम सहित देशव्यापी आन्दोलन गर्न लागेको हो

बैठकले मोर्चा सङ्गठनको अगुवाइमा जेठ ३ गते सबै जिल्लाबाट प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाउने र जेठ ४ गते ३ बजे काठमाण्डौको माइतीघर मण्डलामा विरोध प्रदर्शन गर्ने कार्यक्रम तय गरेको छ ।

बैठकमा पार्टी उपमहासचिव एवं मोर्चा सङ्गठन इन्चार्ज डा. विजय पौडेलले नक्कली भुटानी शरणार्थी प्रकरणमा संलग्नहरूलाई पक्राउ गरेर सरकारले कारवाही अगाडि बढाए पनि शक्तिको दुरुपयोग गरेर उम्कन सक्ने सम्भावना रहेकाले सरकारलाई दबाब दिन आन्दोलन गर्नुको विकल्प नरहेको बताउनुभयो । यो प्रकरणमा नेकपा ( एकीकृत समाजवादी ) ले सबभन्दा पहिले सडकबाट सरकारलाई दबाब दिने आन्दोलन शुरु गरेपछि मात्र अन्य राजनैतिक दलहरू बोल्न बाध्य भएको उहाँको कथन थियो ।

पार्टी उपमहासचिव एवं प्रचार विभाग प्रमुख जगन्नाथ खतिवडाले भुटानी शरणार्थी प्रकरण मानव बेचविखन सम्बन्धी जघन्य अपराध भएकाले दोषीहरूलाई उम्कन नपाउन भन्ने खबरदारी गर्न दबाबमूलक आन्दोलन जारी राख्नुपर्ने बताउनुभयो । यो प्रकरणले अन्तराष्ट्रिय जगतमा राष्ट्रकै छविमा आँच पुगेकाले अपराधीलाई उम्कन नदिन पार्टीले आन्दोलन मार्फत ब्यापक दबाब सृजना गर्नुपर्ने उहाँको धारणा थियो । पार्टीका स्थायी कमिटी सदस्य एवं अखिल नेपाल किसान महासङ्घका अध्यक्ष बलराम बाँस्कोटाले मुलुकमा व्याप्त भ्रष्टाचार विरुद्ध ब्यापक आन्दोलन गर्नुपर्ने धारणा व्यक्त गर्नुभयो ।

बैठकमा पार्टी स्थायी कमिटी सदस्य एवं मोर्चा संगठन सहइन्चार्ज भविसोर पराजुली, पार्टी जनसङ्गठनका अध्यक्ष तथा पदाधिकारीहरूको उपस्थिति रहेको थियो । बैठकमा सहभागि जनसङ्गठनका प्रतिनिधिहरुले पार्टीले भ्रष्टाचार विरोधी चरणबद्ध सङ्घर्षका थप कार्यक्रम तय गरेर व्यापक जनसहभागितामा देशव्यापी सशक्त आन्दोलन थाल्नु पर्ने सुझाव दिनुभयो ।

प्रकाशित मिति: मंगलबार, जेठ २, २०८० ०७:२२

प्रतिक्रिया दिनुहोस्